Таласатын әжеге, Таласатын атаға. Ертегімен ұйықтайтын, Балдан тәтті немере. Атасын да тыңдайды, Әжесін де тыңдайды. Ертең олар елінің Шежіресін жырлайды.
Отбасында жалғасқан, Тәрбиенің мәні бар. Жақсы бала әрқашан, Бауырларын сағынар. Бала – үйдің базары, Ана – үйдің ажары. Әке – тірек ошаққа, Тату тірлік озады.
Азаматтың намысы– Туған жердің өлшемі. Ер жігіттің әр ісі – Отанымен еңселі. Әке – мәңгі тірегің, Ана – мейрім шуағы. Ата менен әжеден, Ертегі-жыр туады.
Өз үйіңнен басталар, Отаныңның есігі. Елін сүйген бас болар, Есте қалар есімі. Байланысты елімен, Әр адамның ғұмыры. Ер болады елімен, Туған жері – тұғыры.
Қарағанды кенді өлкем, Қара алтынның ордасы. Ошағы үйдің секілді, Отанымның ортасы. Қуаттанып, күш алып, Болашаққа аттанам. Қарағандым жасай бер, Мен өзіңмен мақтанам.
Жауқазындай жайнаған, Біз бақытты баламыз. Болашақты ойлаған, Ел ертеңі боламыз. Зәулім зәулім үй салып, Көркейтеміз қаланы. Жасыл желек бау қылып, Жайнатамыз даланы. Арманымдай толқиды, Айдын шалқар
Айнала әппақ, ақ мамық, Қыс келіпті шаттанып. Шаңғы теуіп қайталық, Үйде қарап жатпалық. Үйме қарға аунайық, Коньки теуіп заулайық. Босаңсымай жылы үйде, Бой сергітіп жаурайық.
Алақай жаз келді, Үйрек ұшып, қаз келді. Әнші құстар сайрасып, Айналамыз сазға енді. Шомыламыз өзенге, Суға қармақ саламыз. Әкемізге еріп ап, Біз ауылға барамыз.
Көктем тойы Наурыз Ұлы күні ұлыстың. Шашылатын шағы осы, Бақ, береке, ырыстың. Қыдырамыз көже ішіп, Ауыл үйді аралап. Бабалардың мейрамы Бала бізге аманат.
Сүндеттеді Мирасты, Мұсылмандық өтелді. Көрімдігіне әкесі, Велик сатып әперді. Сүндеттейік сізді де, Деді қарап көзіне. Көлік сатып ал сосын, Көрімдікке өзіңе.